5 Sept 2021

Damlai luipui dung leh vang

Phuahtu: Patea
Satu: K.C Runremsangi, H. Vanlalhlana, H. Lalbiakmawii, Vanlalzapi


Damlai luipui dung leh vang fang mah ila,
Hmalam khua nuam Kanan chu thlir zelin;
Ka lawmman lallukhum chu a hnai tawh e,
Tapin khawvel hi ka hmang rei tawh lo vang.

A rei tawh lo'ng damchhung lungngaih buaina,
An mi kohna aw chu ka hriatin;
Lalthutphah bela an nghahhlelhna aw chuan,
Hmangaihnate tahna a sei lua e an ti.


Ka vahvaihna luidung hi sei mahsela,
Hruaitu hmar arsi chu thlir zel ila;
Lawngchawlhna tlang thianghlim chu min thlen ngei ang,
Tahchuan hmangaih lenrualte an kim tawh ang.

Ka pan zel dawn chatuan thlifim lenna chu,
Uai lo vin pangparte an vul reng e;
Beramno leh van pangpar vul reng te chu,
Thisen vangin aw ka la thleng ngei ang a.

An hril lungmawi tuallaia ka len hun chuan,
Hnutiang mualliam tur hi ka ngai tawh lo'ng;
Chu lungmawi Lalpa ram ti mawitute chu,
Tlai tla lo vin chatuanin an eng reng ang.



SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: