Chu luipuiah kan intawk ang

Lettu: Rev. Lalhunliana Royte
Satu: Lunglei Chanmari Pastor Bial Zaipawl (2018-2020)

Kan pa lalthutthleng kianga chuan
Nunna tui a luang chamdel;
Angel varte lenna hmunah,
Tawh leh ni herchhuak ang maw?

Chu luipuiah kan intawk ang,
A mawi ngei e, a fawn vel e damten,
Mithianghlimte nen zai kan vawr ang,
Chatuan lalthutthleng kiangah.

Chu lui thianghlim mawi takah chuan,
Bawlhhlawh reng a awm tawh lo'ng;
Chawimawina hla mawi chu sain,
Chatuanin kan hlim tawh ang.

Chu luipui mawi kan thlen hun chuan,
Phurrit reng a awm tawh lo'ng,
Khawngaihnain ro a rel ang,
Lallukhum kan khum tawh ang.

Krista hmel engmawi tak mai chuan,
Chu luipui mawi chu a en;
Thihna ngam loh mithianghlimten,
Chhandamna hla mawi an sa.

Reiloteah kan thleng thuai dawn,
Rangkachak khawpui hlun chu;
Lawmna chuai lo kan chang ang a,
Thlamuangin kan chawl tawh ang.