Satu: TBC Lalsanglura
Tawnmang nge maw ka lunglam vai,
Luaithli nula ka tah mai le;
Hmangaih lungrun zun min ban tu,
Thlang tiang kawl an a her liam e.
Kir zai rel hian i mawi si lo maw?
Her liai liaiin zamual i liam ta si;
Nang ngaih lunglen awi maw a na emai.
Sul ang zui hian ka mawi lo che,
Pal ang min dang i rualduhten;
Fam ngai ianga ka tah sei tur,
Dawn lo ten maw mi liamsan le.
Thlang kawr vaia i cham chhungin,
Nghilh bik lo'ng che a riangte hi;
Kan tiam biahthu kha vawng reng la,
Damten lam ang lo let nang che.
I zun ngaia chhunni hman zawng,
Tuan zai rel hi a har emai;
Lam ang leta i kir hun tur,
Nghakin laikhum ka zal ta nge.
5 Sept 2021
SHARE
Author: Four Brothers' Mizo lyrics verified_user
The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com
0 comments: