21 Sept 2021

Hmuhawla a awm lai hian

Phuahtu: Rev. K. Lalthanliana
Satu: Thelma


Kan nunnate hi kan ta a ni lo,
Reilotean mual an liam dawn;
Hun tha leh lawmawm kan neih lai hianin,
Lalpa chu i pan ve ang u.

Hmuhawla a awm lai hian Lalpa chu zawng la,
A hnaih lai hianin pan ve la;
Hun tha leh lawmawm chu a liam hma ngei hianin,
Kan thinlung i hlan ve ang u.


Hmangaihtu Isuan nitin min sawm e,
Chhandamna famkim chang turin;
Lungchhira amah pantute chuanin,
Hlim leh lawmna kim an chang thin.

Hmangaihtu Lalpan amah ringtu chu,
Hmangaihin a enkawl fo thin;
Mamawh tinreng leh chakkhai tinreng leh,
Malsawm tinrengin a vur thin.

Aw, ka duhthlan chu Lalpa hnung zui zel hi,
Hmangaihtu Pathian a ni si;
Hlimna leh lawmna te chu chatuana nunna nen,
A hnenah chauh hian a awm si.

Aw, ka duhthlan chu Lalpa hnung zui zel hi,
Hmangaihtu Pathian a ni si;
Hlimna leh lawmna te chu chatuana nunna nen,
A hnenah chauh hian a awm si.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: