Isu i hnenah awm ka duh

Phuahtu: Jonathan Hmingthantluanga
Satu: Thelma

He lei hringnun zinkawngah hian,
I ruala kal ka duh e;
Ka hma hruaiin min kai ang che,
Ka bo, ka pen loh nan,
Zinkawng hlena ka mit ka chhin thlengin,
Min hruai ang che, i hnena awm ka duh.

Zinkawng khawhar ka zawh lai hian,
Kal dan ka thiam thei lo ve;
Ka kawng hruaitu i tel lo chuan,
Ka bo, ka peng leh thin,
I hnenah chauh awmreng ka duh Lalpa,
I kut chakin nitin min hruai ang che.

Ka zinkawng a tawp hunin,
Isu, ka thla hruai ang che;
Chatuana i kianga awmreng turin,
Vanramah min hruai ve rawh,
Vanramah ka thla hruai ang che.

Isu Lalpa, min hmangaihtu,
I tana nun ka duh e;
I rawngbawl ka duhsam ber,
I hnen thlen ka duh e,
Kawng raltiah nangin min veng ang che,
Chatuan atan i kianga awm ka duh.