Ka lo haw, ka lo hawng e

Satu: R. Lalrempuia, Ricky Malsawmzuala

Harsatnaten min hual vel ka zinna thlalerah hian,
Lungngaih chhumpui ka tan a zing thin;
Mahse, Lalpa awnem chuan,
A kianga cheng turin min sawm, "Lo kal rawh" min ti.

Lungngaiin beidawng ila thlemna ten min chim laiin,
Thim zingah thuin khawhar takin;
Mahse, sawmna aw mawi chu,
Thinlaiah a cham reng thin e, "Lo kal rawh" min ti.

Ka lo haw, ka lo hawng e,
Lei hrehawm hnutiangchhawnin;
Beramno faka hlimtawp lo va zai vawr a,
Lalpa, ka lo hawng e.

Harsatna, mangannaten min tibuai leh tawh lo vang,
Riltam, tuihal, natna hre lo vin;
Lungngaih, mittui a hul ang,
Nuam zawng zawng kan nei vek ang,
A hnen kan thlen hunah chuan.