Lawmthu kan hrilh che Lalpa

Phuahtu: R. Thangkunga (Tk-a)
Satu: BCM Ramhlun Pastor Bial Zaipawl, H. Zarzoliana

Hringmi suala bo hnu hi min tlanchhuak hmangaihnain,
Tiang ema hmangaihtu dang hi an awm lo'ng he lei chinah;
A hmangaih hringfa te zawng hian chatuana nunna thu hlu hi,
Ramtinah hrilin lawmin i au ang u.

Khawvel zawng hi kan Lalpa tan pea ramtina au vin,
Kan nunna leh chaknate i hlan ang u.

Lawmthu kan hrilh che Lalpa, I hmaah kan lo kun e,
I duhzawng ti atan nangin min pui la;
Kan bawhchhiatna avanga thihna ata min tlantu,
Nunna min pea lawmthu kan hrilh che.

Duhtaka i siamte hi tling zo reng kan awm si lo,
I mi siamchhan hre lo hian kan bo thin sualna lamah;
Ngilneihnaa khat kan Lalpa kan khawlohnate thai bo va,
Kan za aia i inpekna avang hian.

Lawmthu kan hrilh che Lalpa, I hmaah kan lo kun e,
Zahngaihnaa khat Pathian i nih vangin.