Ka ropuina leh ka himna hmun

Phuahtu: Patea
Satu: K.C Runremsangi, Leitan Kohhran Pavalai Pawl, Vanlalzapi

Ka ropuina tur leh ka himna hmun,
Ral hlauhawm leh titna awm lo chu;
Thlaler atang hian ka hmu rinin,
Chu hmun hlun chuan min tuam vel vangin.

Ka thlir nitin ang ka thlen hma loh chuan,
A hmangaihna eng leh lawmawm chu;
Miten chu hmun chu hluiin ring mahse,
Ka sawi thei dawn lo, tharin a lang.

Chutih hunah chuan hnamtin, chitin ten,
A ropuina eng zam velah chuan;
Chhandamte hmel engmawi leh ropui chu,
An hmuh hun zet chuan an ring ve ang.

Tin, nakinah chuan a fa hmangaihte,
Chatuan varparh arsi engmawi chu;
Ka ta an lo ni awm tawh te nen chuan,
Chatuan lawm hla chu kan sa rual ang.

Ka thlarau lungngai leh vakbo hnenah,
Krista'n a hmangaihna thu nung chu;
A lo hrilh phal ve tak avang chuan,
Aw, Halleluiah! ka fak ning lo vang.