5 Sept 2021

Lungngaih tah leh buaina ramah hian

Phuahtu: Sata
Satu: F. Lalzamliani, Vanlalzapi


Lungngaih, tah leh buaina ramah hian,
Ka dawn changin ka ngaizual thin;
Ka han thlira ka chung ram nuam,
Hmangaih Lal duhawma tuallenna.

Aw, ka nghakhlel lei hrehawm pelh hun,
Ka chhandamtu thisen zarah;
Tlangtin, mualtina lengte nen,
Then lo va kan len hun tur chu.


Min hnem an awm lo van hnuai hnamtin,
Ka rawn zawng che ka chhandamtu;
I hmangaih hmel ka hmuh hun chuan,
Ka lawmna zawng zawng a kim tawh ang.

Ka sawi thiam lo ka hril thiam lo ve,
Ngaiin ka rum i ramtiam chu;
Engtikah nge lungngaih, rumna pela,
Tah lai ka ban hun tur chu.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: