30 Sept 2021

Thlan loh khawvel

Phuahtu: Lalzuimawii Tlau
Thluk siamtu: Tea VL Pachuau
Satu: Christina Vanlalnghaki (One In Christ)


Duhsam tinreng kan nei hringfa leng ten,
Chhungkaw duhawm tak neih kan duh a;
In leh lo tha, hriselna neih,
Sum leh pai malsawmna zawng zawng pawh,
Mahse, duhsam a kim thei lo.

Harsat, mangan, buaina  tinrengte,
Lungngaih chhumten kian zai an rel lo;
Kan hringnun kawl a eng thei lo,
Kan hrethiam lo Lalpa remruat,
Kan thlan loh zawk min thlan sak si.

Lalpa nen chuan hmun hrehawm pawh,
Hmun nuam ber a chang zel ang;
Isua nen chuan hun khirh tak pawh,
Hun duhawm ber a chang thin a,
Krista nen chuan thlan loh khawvel pawh,
Khawvel tha ber a chang leh thin.


Rin vanga mi huai Daniala khan,
A thlang bik lo, aw Babulon ram;
Mahse, a rin Lalpa vangin,
Sakeibaknei puk hlauhawm pawh,
Hmun ralmuangah a chang ta si.

I nunkawng zawh lai a harsa ngei,
Nun ruak hliam leh chau vin i rum a maw?
Krista ring la zam mai lo vin,
I tawrhna hmun a ropui nan,
Tah leh rumna fakhla chang se.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: