Tidamtu Isua

Phuahtu: Nunpuia
Satu: Bethsy Lalrinsangi

Lenrual zawngte hlim tea kan lenna,
A ngui ruai e kei ka vang khua;
Hliamin kan awm, thinlai a na,
Kan ngai em che, thlamuantu Lalpa.

I tel lo chuan khuavel hian,
Thlaphanna leh lungngaihna mai lo chu;
Hmachhawn tur dang kan nei si lo,
I zahngaihna ban phar leh rawh.

Lalpa i zawn chhuah he kan Zoram hian,
Nang lo tunge kan belh chuan ang?
Kan lam hawiin i ban phar la,
Kan nate min tihdam sak leh rawh.

Lalpa, i hmangaih, i tlansa zingah,
Sawm loh hripui natna chuanin;
Min run, min fan, hliamin kan awm,
Tidamtu Isu kan ngai a che.

A rei tawh em e, Lalpa,
Engtikah zalenna kawl eng ang maw?
Kan beiseina leh innghahna,
Nang chauh i ni, Aw, Lal Isu.

Aw unau, i tan kan ngen e,
Zam in lungngai mai lo la;
I tan kawl a eng ngei dawn,
I lamah a tang Lalpa,
A kalsan lo vang che,
Isuan a hmangaih che.