Tunah buaina tlang chhipa dingin

Phuahtu: C.Z Huala
Satu: Siampuii Sailo, Vanlalzapi, Lalremliani Hnamte

Tunah buaina tlang chhipa dingin,
Nghakhlelin khaw thianghlim ka thlir;
Tun thlenga ka nghilh loh lungduhte,
Puan var sina an lenna.

Min hnar suh la, aw, ka nghak che,
Ka tah nan ram zau mahsela;
Tlante nen bang lo va kan zai nan,
Hmun ralmuang chu min thlen la.

Aw, ka tan khawvel hi har mahse,
Chatuan khua a lo var hunin;
"Buaina zawng hi a ral ang," an ti,
Ka nghak ang ni ropui chu.

A reu lua e, ka tana buaina,
Chuai mai sela, lei pangpar hi;
Hmuh ka nuam e, tlante tual lenna,
Lungduh zawng an kim tawh ang.

Damlai thlaler hi ka pelh hun chuan,
Van mite lawma an lenna;
Aw, then lo vin chawlhna thing hlimah,
Bang lo vin kan zai pui ang.