Tapin an rum ngai lo

Phuahtu: R.L Kamlala
Satu: Vanlalzapi, C. Lalremruata, H. Lalchawimawii

Tapin an rum ngai lo buaina an hneh tawh e,
Van Salem khawpuia han leng te chuan;
Sualna ral an ngam ta, thihna an hlau ngai lo,
Aw, lawmin zai an rem e.
Lawmin zai an rem e, sualna ral an ngam ta,
Sualna ral an ngam ta, thihna an hlau ngai lo,
Aw, lawmin zai an rem e.

Aw, khawvel ka enin thimin a bawm reng e,
Lungngai, lusun fate rum a thang vel;
Kan lawmlai parte hi chuaiin mual an liam thin,
Aw, ka ram ka ngai mang e,
Ka ram ka ngai mang e,
Kan lawmlai parte hi,
Kan lawmlai parte hi chuaiin mual an liam thin,
Aw, ka ram ka ngai mang e.

Aw, thisen i zarah chu khawpui chuan min hnem,
Luiral kan mi lungduh kimna ram chu;
Min la hruai kai ang che angel varte zingah,
Aw, zai ka nuam ve tawh e,
Zai ka nuam ve tawh e,
Min la hruai kai ang che,
Min la hruai kai ang che angel varte zingah,
Aw, zai ka nuam ve tawh e.