Lalpa mi hriat

Phuahtu: Lalnunpuia Hrahsel
Satu: Pensy B Lalthangliani, Ratu Pastor Bial Zaipawl (2016-2018), Amama

Mihringte thlir danah buai thin mah ila,
Hmuh theih loh thinlungah a chingfel leh thin;
Rinchhan tur rinchhan tlak nei lo mah ila,
Intumchawp Lalpan min ngaihtuah sak leh thin.

Kei zawng eng dinhmunah pawh ding thin mah ila,
Ka aia ding Isuan min hruai zel ang a;
He khawvel pawh hian min hre ve lo mahse,
Lalpa mi hriat ka nih chuan ka tan a tawk e.

Ka thiam leh theihnate a tlem teh reng nen,
Ka chungah i thatna a va ropui si em;
Tawmkailo misualber min hmangaih sia,
Chu aia thil hlu chu ka tan a awm thei lo.

Khawvel ropuina leh chawimawina aiin,
Ka thlang zawk i kiangah khenbeh nun neih chu;
Nitin i aw hriat leh nang nena lendun,
Ka thla chau hnangfak nan a lo hlu ber si.