Zalenna kawl

Satu: Lalthannguri Tochhawng

Zalenna kawl a la eng ngei ang,
Tunah sualphuarin awm mah ila;
Ka Lalpan krawsah a hneh vangin,
Zalenna kawl a la eng ngei ang.

Tunah tapin rum rih mah ila,
Chhantu ngilnei Isua ka neih vangin;
Min hneh sak hianin ka ring sia,
Zalenna kawl a la eng ngei ang.

Miten min hriatthiam pui lo mahse,
Ka Lalpan min hriatpui avangin;
Ka tana lungngaihna zawng vangin,
Zalenna kawl a la eng ngei ang.

Kaldan leh pendan ka thiam si lo,
Sualin min bawm lungngai ka ni e,
Hmar arsi hruaitu ka ngai em che,
Min hruai leh rawh, min hruai leh rawh.