Phuahtu: HC Lalrinliana
Satu: Serkawn Pastor Bial Zaipawl (2017-2019), Esther Lr Khiangte, Champhai Zotlang North Kohhran Pavalai Pawl, Lungchhuan Kohhran Pavalai Pawl, R Lalbiaksanga
Hmangaihtu Lalpa'n thisenin min tlan,
Anchhedawng hnu kha chatuan nun min pe;
A ropui hlut zia hriatsen rual a ni lo,
Aw, ka nunna amah chu puangchhuak mai rawh.
Kei thisena i tlan hian eng nge ka tih ang,
Khawi hmunah nge i awin min hrilh la;
Tlawm, harsa, hrehawmin mittui tla fo dawn pawh ni ila,
A pawi lo ve Lalpa, damchhung a rei si lo.
Kei tling lo ber leh thianghlim zo lo pawh,
Chatuan hmun min buatsaih sak hmun nuam chu;
Amah vanga chu ram ka chan dawn vangin,
Ka tana hlu ber chu Lal Isua a ni.
Hrehawm, nuam, engma'n min tibuai tawh lo'ng,
Damchhung reilote atan mai an ni;
Mahse, hmangaihna leh chatuan ral lo tur,
Kraws leh vanram nuam chu Lalpa'n min pe si.
Hrehawm, nuam, engma'n min tibuai tawh lo'ng,
Damchhung reilote atan mai an ni;
Mahse, hmangaihna leh chatuan ral lo tur,
Kraws leh vanram nuam chu Lalpa'n min pe si.
0 comments: