Hnehtu

Satu: Lawmi Khiangte

Gethsemani huanah i tan thingthiin ral A bei,
Kalvari tlangah i tan banpharin A nun a hlan;
Seol kalin hnehna thu chanchintha A hril,
Van lo reh thuapin van chahbi i tan A la.

Hnehtu i nih theih nan hnehna nun A pe che,
Setan ral lianin i zam mai ang maw?
Tho la ding ta che, A thupek la ngai reng,
A la danglam lo, hnehtu i ni zel dawn.

Bawih ni leh turin hlauhna thlarau min pe lo,
Fa nihna thlarau Kristaah min pe a ni zawk;
Tu in nge min hek ang, Pathian kan lamah A tan chuan?
Tu in nge min do ang, Krista kan lamah A tan phawt chuan?