Phuahtu: Rev. Dr. Enoch Laineipuia
Satu: Vanlalsailova
Rulh let sen loh hmangaihna, rulh let ngai lo khawngaihna;
Chhiar sen loh Lalpa thatna ka dawn zawng zawng te hi,
Ka chhiar seng hlei lo'ng e, A ngilneih, lainatna te,
A hmangaihna, A khawngaihna, a luangliam, a luangliam e.
Hmangaihna Pathian, Khawngaihna Pathian,
Ka rul seng lo'ng e, A khawngaih, lainatna te,
Ka chawimawi zel ang a, ka chhuang zel fo vang a,
Hmangaihna, khawngaihna Lalpa, Pathian hi ka fak zel ang.
Hringnun hmangaihna hi chuan a hmangaih a hlawk pui a,
A thil tih that zawng zawng te thatnain a rul leh thin;
Isua hmangaihna zawk chuan A nun a luanral tir a,
A chan zawk, A hmangaih te tan erawh nunna a lo ni.
Hringmi chuan a hmangaih zat hian a haw let leh thei a,
Chunnu pawn a hraichawi lai a theihnghilh leh thei a;
Pathian hmangaihna erawh a bul, a tawp hmangaihna,
Min hmangaih a, hmangaih zel ang, chatuanin, chatuan thlengin.
23 Apr 2022
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: