5 Apr 2022

Ka duhsam ber

Phuahtu: Kima Chhangte
Satu: Alpha Various Artistes feat Magdalene

Isu, nang chauh ka thla himna ber,
Ka kawng min hruaitu i ni;
He khawvelah hian muanna ka hmu lo,
Thlemna leh lungngaihna lo chu,
Ka kiangah nang i awm ka hria e,
Kawng dik chu min zirtir la,
Ka bo tawh loh nan ka ke pen hi min hruai la.

Aw Isu, i kianga len ka nuam e,
Ka tan hian i mawi ber e;
Nang chauh hi ka innghahna ka himna,
Kulhpui nghet nghing ve ngai lo,
Hei hi ka duhsam ber.


He ka khualzinna ram hriat ngai loh hi,
Engtik nge ka chhuahsan ang?
I tana dingnghetin, I tan ka inhlan,
Chhumzinna a lo thlen hma hian,
Ka kiangah nang i awm ka hria e,
Kawng dik chu min zirtir la,
Ka bo tawh loh nan ka ke pen hi min hruai la.

He ka hringnun hian beiseina neiin,
Saltanna hmun atang hian;
Sual hnehna puang chhuakin hnehna hla sain,
Krista leh kohhran tan tiin,
Nang chu ka tan himna ber,
I remruatna atha ber e,
Ka nun bul tan tu, ka nun tawpna lo ni la.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: