Phuahtu: H Lalremruata
Satu: Various Artiste
Piangsual, riangvai, chanhaiten,
An hai lo hmangaihtu aw;
Suangtuah a chhia a tha hre lo mahse,
Lainattu erawh an hai mawlh si lo.
An duhsam a ni bil lo'ng,
Chhia, a tha hre lo chan hi;
Duhsam, duhthlan hrethiam ve se zawng,
An pan ngei ang Nazareth Isua chauh.
Chan tawk khuarel mah nise,
Hriatthiam a har an chan reng hi;
Van Jerusalem an tan buatsaihah chuan,
An zai ve ngei ang hlim tawp hlau lo ten.
Hringmi hmangaihna zawngin,
A khuh seng lo chanhaite;
Hmangaiha khat Lalpa nang erawh chuan,
I hnar ngai si lo piangsual, riangvaite.
Kan ngen che an tan Lalpa,
Hringnun chan chhung tawite an;
Vawng zelin kuangkuah la hmangaih kutin,
An hringnun kalsiam tur rel ang che.
Piangsual reng an awm tawh lo'ng,
Van Kanan hmun mawiah chuan;
Beramno ruai ropui chu kil ve in,
Hlim an vawr dawn si pianzia kim nen.
5 Apr 2022
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: