Ka hmangaih te u

Phuahtu: Laltanpuia Tochhawng
Satu: Laltanpuia Tochhawng, Ruati Liankhum

Chhaktiang lenkawl eng tur nipui khi,
Ka tan hmangaih te thenna tur ni;
Hmangaih te tel lo hian, aw, kei zawng,
Mahriak ten ka liam hne hne mai ta nge.

Ka hmangaih te u, lo kal hnai ula,
In mittui ka rawn hruk fai ang che u;
Aw, kan hotupa, min hrethiam mai teh,
Hmangaih te then hi a har lua a ni.

Mampui, kan hmangaih hrailengte hi,
Hmangaihnain duatten lo chawi ang che;
Lungphung lo la fel takin awm rawh,
Hmangaih Lalpan a tanpui ang che.

Aw, hei leh chen hi ka hraileng ten,
Ka tel lo hian maw zan mu an chhin le;
Aw, engtikah nge ka hmangaihna thlazar hnuaiah,
Muangten an chawlh ve dawn?

Lalpa, ropuina, hausaknate,
Ka hraileng te tan hian ka dil lo va;
Dikna, rinawmna, ngilneihna te,
Hmangaihna te ka dil sak zawk a ni.