Hetah mikhual chauh ka ni

Phuahtu: T.R Taylor
Lettu: Laibata
Satu: Lalduhawma Chhakchhuak

Hetah mikhual chauh ka ni,
Van khi ka in a ni;
Lei hi thlaler ram a ni,
Van khi ka in a ni,
Hlauhawmte leh lungngaihnate chuan,
Ni tinin min hual vel thin;
Van khi ka Pa ram a ni,
Van khi ka in a ni.

Thlemna nasa mah sela,
Van khu ka in a ni;
Leiah hian zin chauh ka ni,
Van khi ka in a ni,
Ka hun hi a ral deuh deuh fo va,
Rei lo te a chinah chuan,
Ka la han thleng ngei ang a,
Van khi ka in a ni.

Ka Chhandamtu kiangah khian,
Van khi ka in a ni;
Chawimawiin ka la awm ang,
Van khi ka in a ni,
Chutah mi thianghlimte an awm a,
Ka mi duh takte pawh kha;
Ka la han chawl ve ang a,
Van khi ka in a ni.

Chuvangin, ka phunnawi lo,
Van khi ka in a ni;
Leiah rethei mah ila,
Van khi ka in a ni,
Mathei lovin ka la han ding ang,
Lalpa ding lamah khianin,
Van, ka Pa awmna ram khi,
Van khi ka in a ni.