8 Jul 2022

Lalpa kan ngai che

Phuahtu: C Lalzarmawia
Satu: Lalduhawma Chhakchhuak, Bethsy Lalrinsangi

Hringnun kalsiam dawn changin lung reng a awi thei nem le,
Suihlung damte'n len ni reng a awm si lo;
Lungduh then vanga rumin ngaiin kan au kalta te,
Auh kir theih chang si lo.

Lalpa, kan ngai che, hnemtu dang reng kan ngai lo,
I mi te khawhar, lungngai rum thawm lo ngaithla la;
Lalpa, kan ngai che, thih vanga lungduh then zawng,
Hringmi tuar thiam awm nem maw? Lalpa, kan ngai che.


Kan duhlai mualliam ta te, ngaia kan auh vawng vawng te,
Min ngai lo te'n an leng e, thinlai a na;
Mahse, ka han dawn chiang a khawpuimawiah chuan hlim ten,
An leng e, Lal fakin...mahse.

Vangkhua hrutin ka lungduh iang zo awm maw ti zelin,
Chhimhleituala'n ka hawi ruai lunglai a zing;
Tawnni reng her rih si lo, aw, ka dawn sei ngam lo ve,
Rairah lung lam ka vai..aw..

Ar ang vaihna khua seiin thinlai nat bang lo mahse,
A ral dawn lei ni leh kum, nakin khuavar hunah.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: