4 Jul 2022

Lalpan a duh che

Phuahtu: Lalawmpuia
Thluk siamtu: Pantea
Satu: Lalpanliani (Pantei)


Aw unau, kan thatlai ni te hi,
Lalpan a tana nung turin;
Hun kha leh chen a nghak che tih hriain,
Muang lo vin rawn pan thuai rawh.

Khawngaihna kawng a hawn lai hian muang lo vin,
In peih rawh a angchhung muannaah chuan;
Hmangaih Lal Isua nen hlim tawp hlau lo va,
Len dun hun i nghakhlel lo vem ni?


Chatuan kulhpui Krista kan himna chu,
Thutak leh nunna a ni si;
Tupawh a hnen a chawl ve turin,
A sawmin, aw, a nghak reng che.

He leiram hi kan khualzinna a ni,
Kuta sak loh van in mawi khi;
Kan tan Lalpan a buatsaih ramah,
Cheng ve turin Lalpan a duh che.
 
 
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: