Ka tung a hoih

A phuak: T Pumkhothang
A sa: Donthiansiam Tonsing

Siktui luan a ka omlai pan
Ka tung a hoih Toupa ahi
Bangmah theilou vuaktang lel in
Ka hong piang a
Silhpuan hoih tawh a hon tuam a
Kilbang khang in ahon kem a
Sungnek hong pia Saunuam hong pia
Toupa hoih hi.

Ka tunga hoih Toupa ahi
Ka phatzel ding ka damsung in
Genseng hi lou sutseng hi lou
Toupa hoihna
A kang ngeilou tuinak bang in
A hoihna in hon zuizel ding
Ka tung a hoih Toupa ahi
Ka phat zel ding.

Ka bah chiang in hatna honpia
Lamtou ah khawlna ding tul lim
Khua ul kai a ka om hunchiang
Huihkhi siang tawh
Lametbei a ka om hun chiang
Lametna thak a hon guan zel
Hon nusia lou
Hon taisan lou Toupa ahi.

Ka nget vanga nei  ding hileng
Ka neih zawh ding bangmah om kei
Hizong Aman a hunhun in a hon pezel
Ka kalsuante a hon veng a
Hoihna bukim tawh hon zui in
Bang kim ahoihnate vang a
Ka tan hi zaw.