I vantirhkoh

Phuahtu: Lalhhmingmawii Rawihte (Mahmingi)
Satu: R Lalbiaksanga & K Vanlallawmi

Buaina chhumpui kara leng hringfate hi,
Lungngai, mangang chau vin kan rum thin;
A hmangaihte thunun thin Krista chuan,
Lawma kan len ve theih nan kan tuar a lo phal thin.

A awmna hmun thianghlim atang chuanin,
Pa nei lote Pa niin hmeithaite a ngaihtuah thin;
Mal leh riangte chhungkua a pe a,
Sual bawih tangte chhuahin malsawmin a hruai,
Lalpa, i hnen pantute chu an him thina,
I vantirhkohte min pea lawmthu kan hrilh che.

Riangvai chanhaite'n chhantu ngaiin kan au thin,
Ar ang vaiin hringnun chhiar mah ila;
Min hmangaihtu Lalpa himna kulhpui chuan,
Englai mahin min kalsan lo, min awmpui reng thin.

Ngaiin kan au nunram chau beidawngte'n,
A hmangaihte hliam tuam dam thintu chuan;
Misual bawlhlawhte min silfai ta e,
A thlarau thianghlim chuan kan hma a hruai zel thin.

Eng kawng nge zawh tur kan hriatthiam loh laiin,
Ngaingamtea kal zel turin min ti;
A thuin tlang leh kawr ruamte min fan tir,
Chhandamna kawng min hawn sakna tur zawk a lo ni.