Nun ka nei ta

Satu: Sailo Lalsangzuali

Hun kha leh chen vah bosanin,  
Mahhni hlimna mai um zelin;
Khawvel mawina ka zawn zawngte,
Boralna mai anlo ni e,
Nunna rohlu Lal Isua chu,
Ka lo nei ta, a ropui e.

Nun ka nei ta, nunna thar chu,
Isua'n min pe lawmna thuruk,
He khawvelin a pek theih loh,
Hmangaih vangin ka chang ve ta,
Van mite nen tual kan leng ta,
Nunna tharin kan leng ta e.

Ka nunna hi i ropui nan,
Aw lal Isu hmang zel ang che:
Chawimawia i awmna tur chuan,
Keimah hi chu min tiral la,
Hnehna puang chhuak zel thei turin,
Thlarau thianghlim min pui ang che.

Lalpa min hmangaih em vangin,
Hmangaih zual zel che ka duh e;
Thlarau boral chhanchhiah ngaite,
Chhanchhuak turin min hmang ve la,
Nunna neilo tihdam ngai tan,
Damna i nih hriattir turin.