29 Aug 2022

Pen khat chauh

Phuahtu: R Lalremmawii
Satu: Fredy Lalruatsanga

Hringmi damchhung hun hi chatuan daih a ni lo,
Rei lo te an vula chuaiin mual an liam thin;
Hlimni a rei lo ve lungngaih chhum a zing thin,
Lalpa hnenah lo chuan lungawina a awm lo.

Kan inpeih tawh em le? Lal hmaa ding turin,
Kan hringnun tawp hunah Lalpa hmel kan hmu ang;
Eng hun nge, eng ni nge? kan hre si lo va,
Thihna nena kan inkar chu pen khat chauh a ni si.


Khawvel hi a ral mek hun tawp chu a hnai ta,
Lalpa rorelna hmaah kan la ding dawn si;
Eng nge kan chan ang le? vohbik chawimawina nge,
Anchhedawng te hmun chatuan Hremhmunah em ni?

Hun tlemte kan la nei Lalpa zahngaihna hun,
Hun tha a liam zel e i ngaihven thuai ang u;
Lalpa kohna authawm ri kan hriat hunah chuan,
Ringtu te hlim leh lawmin kan leng tawh ang a.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: