29 Aug 2022

Tu mawh nge?

Phuahtu: Rev. Lalremsiama
Satu: Freddy Lalruatsanga, ECM Edenthar Kohhran  Zaipawl Saiha


Lalpa tlanna la hre lo te,
Thimhnuaiah hlau vin an khur e;
Nitin thihna in a nang vel,
Unau, chhang rawh le, tu mawh nge?

Ringtu, muang te'n chawl mai lo la,
Chatuan hremhmuna kal tur;
Boral mek te thisen chu,
Tu mawh nge, i phur ngam em ni?


Boral tur annih chu hrilh la,
Hriattir thuai rawh an la chan tur;
An ngai duh lo che anih chuan,
An thisen mawh i phur lo vang.

Boral mek te authawm ri chu,
Hrerenga kan ngawih san mai chuan;
Tlansa te hi min la chhal ang,
Tahchuan engtin chhang ang i maw?

Kei zawng muang lo vin ka kal dawn,
Lalpa chakna chauh hmachhuanin;
Chhun hi ralin zan a hnai ta,
Hun tlemte chauh kan neih tak hi.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: