2 Oct 2022

Thapui nang nen

Phuahtu: Kapzawna
Satu: H Lalthakima


Siar Chawngmawipuii chuanin,
A di val Hrangchhuan then mahse;
Tawn leh chang ni a nei,
Kei erawh chuan he khawvelah,
Tawn leh ni reng ka nei dawn lo maw, 
Ka di ve kha.

Sualin tling lo mah ilangin,
Ka rawn dil zel anga;
Lalpa'n min ngaidam ve ang a,
A buatsaih sak chatuan ramah,
Kan la intawng leh dawnnia aw,
Thapui, nang nen chuan.


Chhun a rei zankhua a sei si,
Zawt vel ila kawplai then chuan;
Tuar har ti ve maw,
Kei chu lunglen ka zo lo ve,
Tap ruai ruaiin kan run,
Mahte'n ka rawn fang tur chu.

Tawnmanga'n buan ang ka pawm che,
Hai ang thangin i awm si lo;
Aw, khaw nge maw i awm?
Tuar i har kher mang e, lungrun,
I zun ngai reng reng hian,
Kei zawng fam a awl awm mang e.

 

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: