Beiseina nung

Phuahtu: Solomon V Hmar
Satu: Serchhip Kawnpui Kohhran Pavalai Pawl

Tun damchhung hun chauha Kristaa beiseina neitu,
Kan lo nih chuan mi khawngaih tlak kan ni,
Lei malsawmna piah lamah pawh awm a la awm,
Ropuina leh chawimawinain min hmuak reng.

Aw thihna, i tur chu, aw thihna, i hnehna chu,
Khaw nge a awm tak le?
Sual thiltihtheih tihna Krista'n a hneh zo ta,
Thihnain a ngam tawh lo, nunna ka nei ta.

A mi sang tam takin hlimna leh lawmna tak,
An hmu lo, an hre lo, lei lawmnaah an tawp;
Thih hnua Kristaa beiseina nung neiin,
Lei lawmna piah lamah van ka tem lawk thin.

Lei hausakna ro thil ka duh, ka zawnte hi,
Vanah ka chhawm luh tur pakhatmah an awm lo;
Lalpa hminga ka tawrh, ka chan, ka pek ve hi,
Vanah ka changchawi tur chu a ni ngei ang.

He ka lei taksa hi tawih thei, chak lo takin,
Chawimawi loha tluin, phumin a la awm ang;
Tawihthei lo ropuina thiltihtheihna neiin,
Kaihthawh ka la ni ang van puannem sinin.

Vanah kuta sak loh in ropui tak ka nei,
Chu khaw en turin ni leh thla a ngai lo;
Lalpa Pathian ropuina chuan a en vel a,
Zan a awm tawh ngai lo, aw, ka ram mawiah.