21 Jan 2023

 Sing hlira sang tam tak nu

Phuahtu: H Lalruatliana
Satu: ECM Immanuel KNP


Harsatna chhumpuite zing thinin,
Buainate'n kian zai rel lo mahse;
Thlen hmabak ramtiam chu pan zelin,
Nitinin i kal zel ang u.

Nang chu sing hlira sang tam tak nu ni la,
I rawngbawlna kha hlen zel ang che;
Hmelma kulh kawngkhar chu neih sak turin,
Lalpa tan ral do zel ang che.


Kan velah sual vanga rum mek te,
Thihna hlim kawr ruam an zawh mek e;
"Min chhan rawh," tiin min au reng e,
Engtin nge kan chhan tak ang le.

Chun chawi loh fahrah riangte chan hi,
An tan zawng he lei hi anchhedawng;
Hmangaiha lainata enkawl turin,
An tan malsawmna ni ang che.

Khawngaihna a lo punnna turin,
Sualin kan awm reng dawn em ni le;
Krista ruala kan thih tawh si chuan,
Lalpa rawng chauh hi bawl ang u.

Aw Lalpa, hei ngei hi kan dil che,
Kan ram hi tidamin malsawm la;
Sual vanga kan tah leh rumna hi,
Gilead damna dawi lo chang se.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: