Nakinah chuan

Phuahtu: Apuia
Satu: Chhiahtlang Pastor Bial Zaipawl (2022 - 2024)

Nat leh buaina, tahna ram khawvel thim rumna ram,
Chhuahsan hlan, aw, ka nghakhlel, in ropui panin;
Khawizu thlum ber luanna hmun thlen hlan ka nghakhlel e,
Engtik niah emaw chuan ka la thleng ang.

Nakinah chuan, chu hunah chuan,
He khawvel tahna ram hi ka chhuahsan ang;
Rangkachak kawtthler mawiah Krista ringtu zawngte chu,
Thihna ram chhuahsanin, aw, kan la leng ang.

He lei khualzinna ram hi kumhlun ram a ni lo,
Chatuan ka chawlhna tur chu luiral piah lamah;
In ropui leh mawi takah nghakhlelin min lo thlir,
Engtik niah emaw chuan ka la lut ang.

Ka thlir thin ka rauthlain an hmel eng mawi tak chu,
Chu ram mawi takah chuanin hmangaihte tawk turin;
Nang leh kei min lo nghak e, lungduh fam chang ta te'n,
Engtik niah emaw chuan ka la chawl ang.