Ka nunah danglamna mak tak mai a thleng ta

Phuahtu: R.H McDaniel
Lettu: Rev. Dr. R.K Nghakliana

Ka nunah danglamna mak tak mai a thleng ta,
Lal Isua ka neih chinah chuan;
Ka nunah ka nei ta, enna ka zawn thin kha,
Lal Isua ka neih chinah chuan.

Lal Isua ka neih chinah chuan,
Lal Isua ka neih chinah chuan,
Lawmnain min rawn vur tuipui fawn vel angin,
Lal Isua ka neih chinah chuan.

Bo hmang ka nih ka hria, tunah ka lo sim ta,
Lal Isua ka neih chinah chuan;
Ka sual zawng tam mah se, aman min tleng fai a,
Lal Isua ka neih chinah chuan.

Beiseina nghet tak chu tunah ka lo nei ta,
Lal Isua ka neih chinah chuan;
Rinhlelhna chhumpui zing tunah a lo kiang ta,
Lal Isua ka neih chinah chuan.

Thihna lui kawr thimah eng ropui ka nei ta,
Lal Isua ka neih chinah chuan;
Van khawpui kawngkhar chu ka tan a inhawng ta,
Lal Isua ka neih chinah chuan.

Chuta cheng ve turin ka kal dawn ka hria a,
Lal Isua ka neih chinah chuan;
Hlimin leh lawm takin hma lam ka pan zel a,
Lal Isua ka neih chinah chuan.