Hosana

Phuahtu: Thangpuia KC
Satu: H Lalruatpari (Lanu-i)

Van Lal fapa hringmi te zingah,
Remna chanchintha a rawn thlen a;
Jerusalem-ah chhingkhual a chanin,
Hlim leh lawmin an Lal an lo hmuak.

"Hosana! Hosana! Lalpa hminga Lal lo kal chu,
Fakin awm rawh se, Chungnungberah ropui rawh se,"
Tia auvin Krista an chawimawi,
An ni iangin, aw, zaipui ka nuam e.

Ui reng an nei lo an silhpuannemte,
An Lalpa tan an thinlung an hlan;
An fakna riin lei a nghawr nghing a,
Chungnung berah khian ropui rawh se.

A hmaa kal leh a hnungzuitute,
"Chungnung berah Hosana!" tiin
Ropuina Lalpa a lo luh theih nan,
Aw kulh kawngka lo inchawisang r'u.

"Hosana!" tiin hnehna hla an sa,
Tumkau leh chhawlten chibai an buk;
A tlansa te'n fak tawh lo mahsela,
Lungte tal pawh lo au chhuak rawh se.