Ka thla hmangaihtu

Phuahtu: Parpuii Chawngthu
Satu: Territorial Staff Songsters

Lungngaihna ruam atang hian,
Aw Lalpa, i zahngaihna ka rawn ngen e;
Ka mangang au thawm hi lo ngaithla la,
Rimtuiah min lo pawmsak ang che,
I mithmuhah thilsual ka lo ti a,
I hmel eng hmu tlak ka ni lo.

Ka sualna te hi hrereng suh la,

Ka bawhchhiatna te thaibo ang che;

I lainatna leh ngilneihna te,

Ka chungah lantir leh ang che, 

Aw Isu, ka thla hmangaihtu.

 

Hmangaihna tawp nei lo vin min hmangaih,
Ka tan i nunna i hlan a,
Kawng hrehawm ka zawh laiin i hniakhnung ngei,
Ka buai loh nan min hnutchhiah a,
Thih hlauhawma ka awm lai pawhin, 

Ka damna Kraws min hmuhtir thin.

 

I khawngaihna ka tan a va hlu em,

Ngaihtuah changin mak ka ti thin,

A sang em a, ka hrethiam lo a ni,

Keima lam ka han inen hianin,

Tlinlohna leh fellohna mai lo chu -

Hmuh tur reng reng a awm si lo.