I tel lo chuan Lalpa

Phuahtu: Alvin
Satu: One in Christ

Lei hringnun zin kawngah hian,
Chakna neia inngaiin,
Khawvel ṭiaudup hmunah hian,
Duh tinreng sam mahila,
Lalpa, i tel lo chuan ;
Pen khat pawh ka kal thei lo.

I tel lo chuan Lalpa,
Pen khat pawh ka kal thei lo,
Tlang te an sang,
Kei ka tan ;
Phairuam lah a zau si a.
Harsatna hmun ngeiah hian,
I ropui min hmuh tir ṭhin,
Lalpa, I tel lo chuan,
Pen khat pawh ka kal thei lo.

Khawvel fin leh thiamna te,
Sanna leh ropuinate'n
Min pe lo nun hahchawlhna,
Damna reng awm mawlh si lo,
Lalpa, I tel lo chuan,
Pen khat pawh ka kal thei lo.

Aw Isu, nang theihnghilhin,
Ka zawng ṭhin beisei tur dang,
Thlamuanna awm mawlh si lo,
Ṭah leh rumna mai lo chu,
Lalpa, I tel lo chuan,
Pen khat pawh ka kal thei lo.