28 Jul 2023

A rei tawh lo'ng dam chhung lungngaih

on July 28, 2023 0 Comment

Phuahtu: Suakliana
Satu: H Ramtharzuali (Thartei), Lalzuithanga

A rei tawh lo'ng dam chhung lungngaih,
Leh buaina zawng zawng hi;
A ral zel ang lei hrehawm hi,
Nitin ka pel ang.

Kan zalenna tur ram ropui,
A lo thleng dawn ta e;
Chhandamtu hmum siam leh,
A ropuina kan chang ve ang.

Chhandamtu chuan thawkrimte tan,
Leh a hmangaihte tan;
Lawmman hlu chu a rawn keng ang,
Nunna Lallukhum nen.

Lawmna hla mawi kan rem ang,
Chu ni ropuiah chuan;
Lungngaih buaina a awm tawh lo'ng,
Tahna a reh tawh ang.

SHARE
Four Brothers' Mizo lyrics

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: