Phuahtu: R.L Kamlala
Aw, van thli ka ngai em che lo leng rawh,
Ka thinlunga chhumpui zing chhem kiang rawh;
Thim leh lungngaihin kei mi nang vel a,
Ka pan lai chatuan pialral khi a hliah.
Aw Lalpa, ka tan engkima engkim,
Nunna tuikhur i ni ka ngai a che;
Ropuina leh van hmun ka dil chuang lo,
Van chu nang i lo ni e, min awm rawh.
Hmanah chuan Eden par tlana leng hnu,
Kan vai e khawvel sual leh thim zingah;
Mahse, Kalvari tlanga lengte zawng.
Chatuan ram Eden thar nuam khian a au.
Lei pangpar a vulte zawng an lo chuai,
An lawm hla leh an ri mawi pawh a reh;
Aw ka Lal, i hmel erawh a chul lo,
Min hnem a'n chatuanin a vul zel ang.
I hming ka kohvin thim a lo kiang thin,
Thlaler ram khawhar hi zaiin ka awi;
Ka lawmna a thar zel ka hril seng lo,
I engin ka tan khua a var ta e.
16 Jul 2023
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: