Lungngaihna tuipui a lo len lai hian

Lungngaihna tuipui a lo len lai hian,
Ka ngai a che ka Chhandamtu duhawm;
Min kalan suh mala ka awm lai hian,
Tin, a reh ang lungngaih mittui zawng hi.

Hmana Gosen rama i len ang khan,
Lo leng la Chhandamtu lungngaih a fawn;
Tin, a lo bang ang lungngaihna zawng hi,
Ka zai anga thlan hmun reh takah hian.

I lenna Zion ka thlen hma loh chuan,
Ka bang lo vang lungngaih ka tahna zawng;
Aw, min hruai la, i siam Edenah chuan,
Hmuh ka chak i hmel duhawm hliam hnu kha.

Tin, ka han thlen ve hunah chuanin aw,
Puan var sin hmel duhawm tam takte nen;
Kan chatuan Lalpa chu kan fak tawh ang,
Mittui tlak leh lungngaihna a bo vang.