Awm khawharin lung a leng e

Awm khawharin lung a leng e,
Thlir vel ila nunhlui mual liam;
Lenrual kan then ngaiin kan tap,
Ka ngai Zion then loh ram chu.

Tah chuan lawmin kan leng tawh ang,
Beram No hliam hnu chu fakin;
Lungloh tui thiang kan dawn ang a,
Hnutiang ram khawvel kan ngai lo vang.

Lawma kan len hun tur ngaiin,
Tapin kan rum khawvelah hian;
I chatuan ram kan thlen hma chuan,
Thlarau Thianghlim min awmpui rawh.

Hmuh ka nuam e, Zion khawpui,
Ka ngai Lal buatsaih ram thar chu;
Lungduhte nen lengza ila,
Lawmna par rimtui kan tlan ang.