Ka awmhar lunglen chang ni hianin

Phuahtu: Khuanga
Satu: Thingsai YMA Khawharin zai

Ka awmhar lunglen chang ni hianin,
Ka thlir vel he lei ram hi;
Lungngai chhumin tlang tin a bawm,
Ka thla riang lungngaihin a bawm.

Aw, min hruai la dam lai,
Lungngaih chhumpui zing hnuaiah hian,
Min awmpui la, aw ka Lalpa,
Tah lai ka bang ang e.

Aw, ka lungkham arsi piah ram,
Angel var lungrual an lenna;
Kei khawhar riangvai ka tahna,
Dam lai chhumpui zing hnuaiah hian.

Aw, ka thlarau i lungngaihna,
He lei hrehawm hi chhuahsanin,
Thuro angin thlâwkin lêng la,
Engthâwlna ram khawpuiah chuan.

Tah chuan lungngaih, țah leh buaina
A awm tawh lo'ng Kanan ramah,
Aw, Chhandamtu min hruai zel la,
Thihna lui ral ram mâwiah chuan.