Ka khawvel nun tawp hunin buaina tuifawn ka kanin

Lettu: Thanga

Ka khawvel nun a tawp hunin buain tuifawn ka kanin,
Zing eng tak leh ropui chu ka han hmu ang;
Ka Tlantu ka hrechiang ang lui ral ka thlen hunin,
A hmel duhawm min lo lawmtu a ni ang.

Ka hrechiang ang, ka hrechiang ang,
Ka Tlantu hmaa ka din hunin;
Ka hrechiang ang, ka hrechiang ang,
A kut thir khennaah ka hria ang.

Aw, a hmel lawmawm ka hmuhin ka thlarau a lawm ang,
Aw, a hmel eng ropui tak chu ka hmuhin;
Eng ang takin fak nasa ang i maw min khawngaihna,
Vana in min lo siam saktu a ni si.

Aw, chhandamte chuan an hnena kal tura min sawmin,
Thihna luia kan inthen lai ka hria a;
Eden huan tharah hla mawiin min lo hmuah mah sela,
Ka Chhandamtu tawh hmasak ber ka duh ang.

Puan ropui sinin khawpui kawngkhar mawi ka thlen hunin,
Mittui tlak tawh lohna hmunah min hruai ang;
Chatuanin hlimna hla sain awm dawn tawh mah ila,
Ka Chhandamtu tawh hmasak ber ka duh ang.