Ka thlir bang thei lo

Phuahtu: R Lallunghnema
Satu: R Lalbiaksanga

Chung muvanlai ianga thlawkin,
Ka hringnun tham vel hi:
Lalpa, min thlir la, lungngaih, tah ka tuarna,
I lainat, khawngaih bak hi ka tan,
A awm chuang lo thildang zawng aiin.

Aw, lo kal thuai rawh, a rei lua kan ti, Lalpa duhtak,
Hun leh ni chhiara kan rumna ram hi;
Hnutiang chhawnin mittui hul tawh se,
Ka thlir bang thei lo Jerusalem thar chu.

Ka duh zawng, ka chakna te hianin,
Min hruai bo phal suh, aw Isu;
Hlimna i lam hawi lo thinlung hi,
Hrehawm, nat tuarin "Lalpa" ti leh thin ka ni,
Min ngaidam rawh, i hnen ka rawn pan che.

Zan tlaia tinkim ka dawn hian,
I tan tling lo thinlung hel hmang hi;
Aw, min chhungkhat la thlarau thianghlimin,
Hnehna no chawiin fanau rochan te nen,
Chatuain kan chawl ang i thlazar hnuaiah.