Hnawhchhuah ka lo ni ta

Phuahtu: CK Chhangte
Satu: R Lalbiaksanga

Temple thianghlim panna lamtluang ka zawh laiin,
Sakhaw puithiamte chuan 'phar leh bawlhhlawh' min ti,
"I tan hmun a awm lo, dai pawn pan rawh," min ti,
Hnawhchhuah ka lo ni ta, aw, a va na em ve!

Riakmaw sirva iangin kai nan hlim thing ka bel,
Thlipui ruahpui lakah himna a tling zo lo;
Chung leh zua kan run chhung ka va ngai em ve aw,
Min dawn ve maw, chinlai lenrual lungduh te khan.

Misual leh bawlhhlawhte hnar ngai lo Lal Isua,
Ka pan ang min hmangaihtu a nih vangin,
A hmangaih awm nghengin ka chawl ve tawh ang a,
Chatuanin mi thianghlimte nen kan leng tawh ang.

Ka rumna thlaler hi ka chhuahsan thuai dawn,
Hmangaih kal hmasaten luiral mawiah min nghak,
Hmuhsit leh endawng leh hnawl hnu ni mah ila,
Ka Lal ka hnen ka thlen chuan ka thlamuang ve tawh ang.

Leiah zawng riangvai leh chanhaiin an rum e,
An tan nun khaw nawmna reng reng a awm si lo,
Khawngaihna thilthlawnpek an tan rawn hlan ve la,
Lalpa'n a van malsawmnain a vur ang che.