Kan lungduh ber kan lawmna ber

Kan lungduh ber kan lawmna ber,
A lo par kan zingah;
Lungchim taka ka lawm hmain,
Tapin kan then leh ta.

Mihring ngaihtuah zawh rual lohvin,
A lo par mawi takin;
He khawvel sual khalh chul atan,
Lalpa'n a phal ta lo.

Engatan nge kan lungchhiat ang,
A Pa hnen thleng tur chu;
Van ram tual nuama leng turin,
Angelte lawm ve nan.

Tunah tapin then mah ila,
Lawmin kan tawk leh ang;
Chatuan hmun nuam reh lovah chuan,
Lungngaih tuar tawh lovin.

Aw, a aw ri leh hlim hmel mawi,
Min tilawmtu ber kha;
Tap tapin ka au ding zo lo,
Thihnain a hruai ta.

A va hlu em! Lalpa hming hi,
Thuin ka fak seng lo;
A hmangaihte khawvel lungngaih,
Hrehawm chungah an leng.