Khawvel hrehawma ka len hian

Khawvel hrehawma ka len hian,
Sualin ka rilru a ti buai;
Ka thinlung sual khawvel hawi tawh hnu hi,
Kalvari lamah hruai leh rawh.

Aw, ka kulhpui leh ka Lal i ni,
Min pui turin nang ka ngai che;
Khawvelah muanna a awm lo,
Nangmahah chauh ka thlamuang ang.

Mitthi ngai tah leh rumte pawh,
Chu ramah chuan a awm tawh lo'ng;
Leih hrehawm lungngaihna pelh hun tur chu,
Rina thlirin lung a leng e.

Ka lungngaihna leh ka buaina,
Pela Lalpa hnen thlen ka chak;
Rethei fate kan lawmna par mawi kung,
Aw, ka Lalpa, nang i lo ni.

Ka lungngaih nite tam mah se,
Aw, ka Lalpa min hruai zel rawh;
Chawlhna ram nuam hi ka thlen hma chuanin,
Sualna ral lian ka do zo lo.