Leng leng ila thangvan sangah

Leng leng ila thangvan sangah,
Chhum leh romeite khumin;
Han leng ila kumtluang run nuam,
Salem thar khawpui chul lo;
A sumtual zawl ranka dar tui-
A luang laia zuang tumin,
Khua chuan na'ng e tukram hring nghial;
A hmangaihna eng nuamah.

Ka ngai ngei e, kumtluang run nuam,
Angel leh ka zua awmna;
Aw, par tin thang an vul chiai e,
Nunna tui a luang del del.

Chu ram mawia han lengte chuan,
Khawvel hi hnutiang an chhawn;
An zua chung Pathian run an lum;
An luaithli a far ngai lo,
Fiara tui ang an thiang kim ngei,
An sakhmel a vul reng e;
Chung turni a sa an tuar lo,
Duhte'n tuala leng zain.

Tin, khuareia lungduhte nen,
Chu hmun nuama zai remin;
Bel nang siamtu Laldang sirah,
Kan awi dawn e, a run nuamah,
Ka dawnin a ngaiin ka tap,
Lungdun zawng zawng an kimna;
An nghah rauthla leng an kim tur,
Aw, nunna hing i zar hnuaiah.