Lungngaih tah leh buaina hi,

Lungngaih tah leh buaina hi,
Pelin lalna ram mawi an lenna;
Ka pan zel ang sual thim zingah,
Min lo kai la, i eng zam velah chuan.

Ka kawng thim tak atang hianin,
Ka ngai e, thlir zelin ka kal ang;
Aw, chu ram mawi nuamah chuan han leng ila,
Ka khawvel nun reng hi ka ngai tawh lo'ng.

Aw, i hmelah lawmna rimtui,
Kan lawmlai a lo chul zo ta e;
Kar mah hla se duhte'n laitual,
An lenna chul lo turin min hnem rawh.

Aw, enteh u, tlansate chuan,
Zaiin an awi e, chu hmunah chuan;
Hmangaih Lalpa siam Salem kulh,
Pui chhunga leng leh mi thianghlim zawng nen.

Hmangaihte u, chu hmun ngei chu,
I pan zel ang aw chu hmunah chuan;
Van mite khian puan var sinin,
Kan lenna ram hi an thlir ning lo ve.