Muanna a kim, lawmna a kim

Phuahtu: R.L Kamlala

Muanna a kim, lawmna a kim,
Hmangaihna eng ka Lal hmelaj;
Sun lai a hnem tuar lai a hnem,
Vakvaite tan in nuam.

A awmna hmun tin van a ni,
A ke bula chen hi a nuam;
Lungngaihna leh thim hnuaia chau,
Lawmin a chawlh tir thin.

Awmkhua a har e, ka tap leiah,
Mahse, hmangaihna Lal hmelah;
Ka rauvi thla lungduhte nen,
Nuamin a leng tawh ang.

Aw, kan mi ngaih kal tate kha,
Hmangaihna engah chuan a lang;
An rumna leh hring nun a reh,
Angelte dung an thul.

Ka ngai a che, aw, lawmna ber,
I tuarnain tah lai a hnem;
Ka lenna ram thlaler a ni,
Then che ka zuam lul lo.